RESEPTE

Romerige Knoffelbrood

Gepubliseer op Maandag, 20 Junie 2022 19:15
Trefslae: 585
Druk
E-Pos

1 kg vetkoek deeg
500 ml volroom
kaas
gebraaide spek
gekapte swart olywe
knoffel

Maak die deeg in lang vorm. Sny dit in die middel oop, voeg kaas, knoffel, ens. in en druk die deeg toe. Draai die deeg om met gesnyde kant na onder. Plaas die deeg in gesmeerde broodpan. Gooi 375 ml room oor die deeg. Strooi bietjie kaas en paprika bo-oor. Vooraf verhit die oond tot 180°C. Bak vir ongeveer 1 uur.
Gooi die laaste room oor – 5 minute voor die brood uitgehaal word. Die warm brood kan in die room in pan gedoop word soos dit geëet word of opgesmeer word. Hoe langer die brood in die room lê hoe lekkerder.

15 MINUUT AMARULA MIKROGOLF MELKTERT

Gepubliseer op Maandag, 13 Junie 2022 19:45
Trefslae: 845
Druk
E-Pos

Bestanddele:

vir 8-10 mense

Vir die Amarula Melktert:

1 pakkie 200g Tennisbeskuitjies

¼ koppie botter, gesmelt (Vir Bodem)

1 blik kondensmelk

½ koppie melk

¾ koppie Amarula

2 koppies warm water

2 e botter, gesmelt (Vir Vulsel)

4 eiers

6 eetl mielieblom

N knippie sout

Kaneelpoeier

Resep:

Vir die Amarula Melktert:

Druk die beskuitjies in 'n hersluitbare plastieksak met 'n koekroller. Kombineer die fyngemaakte beskuitjies met die gesmelte botter en druk in die basis van die

gesmeerde skottel.

Laat rus in die yskas terwyl jy die vlavulsel voorberei.

Voeg die kondensmelk, melk, Amarula, warm water, gesmelte botter, eiers, mielieblom en sout byekaar en sit in 'n mikrogolf-veilige bak en meng goed.

Mikrogolf op hoog vir 7 minute.

Haal die bak uit die mikrogolf en klits – om te keer dat klonte vorm.

Mikrogolf op hoog vir 5 minute.

Verwyder die bak uit die mikrogolf om te meng.

Mikrogolf op hoog vir 3 minute.

Verwyder die bak uit die mikrogolf om te meng.

Gooi die vulsel op die beskuitjiebasis en laat afkoel.

Sodra dit afgekoel het, bedek met kaneel en verkoel om verder te stol

die yskas vir +/- 2 uur of oornag. (Afhangende van jou voorkeur.)

Sny, bedien en GENIET!!

Stampmielie Gereg

Gepubliseer op Maandag, 06 Junie 2022 10:32
Trefslae: 1742
Druk
E-Pos

Stampmielie Gereg

koppies stampmielies
koppie Mayonaise
Uie gekap
pakkie Sampioensop
koppie Room (ek het so 2 koppies gebruik)
pakkie Wit Uiesop
pakkie spek
Kaas

Gooi stampmielies die vorige aand in water. Spoel die volgende oggend af en kook tot sag in sout water.

Braai spek en uie tot gaar.

Meng Mayonaise, room en sop saam.
Meng saam met gaar stampmielies en gooi in oondpan.
Rasper kaas bo-op.
Strooi 'n bietjie rooipeper oor.
Bak op 180⁰ C tot kaas gesmelt het, bedien warm.

Snoekkoekies

Gepubliseer op Sondag, 16 September 2018 21:18
Trefslae: 3138
Druk
E-Pos

RESEP VAN DIE DAG goedgunstig verskaf deur LAPA Uitgewers.

Vandag se resep is uit die publikasie ““Vinnig en Maklik - Resepte uit Vrouekeur” is verskaf met

komplimente van LAPA Uitgewers en is 'n samestelling van resepte deur LAPA uitgewers

Snoekkoekies

Loena Kaufmann van Panorama het die resep ingestuur. Sy maak dit altyd as daar

snoek na 'n braai oor gebly het.

4 porsies

2 groot aartappels, in skil saggekook

500 ml (2k) gaar snoek, gevlok

1 ekstragroot eier, geklits

30 ml (2e) melk

5 ml (1t) suurlemoensap

45 ml (3e) gekapte vars pietersielie

3 druppels Tabascosous

125 ml (½k) koekmeel

2.5 ml (½t) droë gemengde kruie

Knypie sout

Knypie varsgemaalde swartpeper

Knypie rooipeper

Genoeg olie vir vlakvetbraai

Metode:

1. Trek aartappels se skille af en maak saam met snoek, eier, melk, suurlemoensap, pietersielie en Tabascosous fyn.

2. Meng bestanddele goed en vorm in balletjies. Druk effens platter.

3. Meng meel, kruie, sout en swart- en rooipeper.

4. Rol viskoekies in kruiemengsel en verkoel in yskas vir 1 uur.

5. Verhit olie en braai koekies aan albei kante tot goudbruin.

6. Plaas koekies op kombuispapier om ekstra olie te absorbeer.

7. Sit oud of warm saam met slaai voor.

Thaise groenkerrie

Gepubliseer op Woensdag, 29 Augustus 2018 19:55
Trefslae: 2129
Druk
E-Pos

RESEP VAN DIE DAG goedgunstig verskaf deur LAPA Uitgewers.

Vandag se resep is uit die publikasie “Vinnig en Maklik - Resepte uit Vrouekeur”

is verskaf met komplimente van LAPA Uitgewers en is 'n samestelling van resepte deur LAPA uitgewers.

Thaise groenkerrie

4 porsies

Bietjie olie

800 g beesvleisblokkies

Knypie sout en varsgemaalde swartpeper

45 ml (3e) koekmeel

1 ui, gekap

2.5 ml(1/2 t) gekapte vars knoffel

Knypie droë gemmer

4 grasuie, gekap

½ rooi soetrissie, in blokkies gesny

30 ml(2e) gekoopte Thaise groenkerriepasta

Handvol vars koljanderblare, fyngekap

187 ml(3/4 k) groenteeaftreksel

380 g (1blik) ingedampte melk

205 ml(1k) melk

Metode:

1. Verhit olie en braai beesvleisblokkies bietjies bietjies daarin tot goudbruin. Skep uit.

2. Geur beesvleisblokkies met sout en peper.

3. Sprinkel meel oor beesvleisblokkies en roer tot bedek.

4. Verhit nog olie in kastrol indien nodig en soteer ui, knoffel en gemmer daarin tot sag.

5. Voeg grasuie en soetrissie by en soteer nog 2 minute.

6. Roer kerriepasta, koljanderblare en aftreksel by en roer tot goed gemeng

7. Skep beesvleisblokkies terug in kastrol, plaas deksel op en laat vir 1uur oor lae hitte prut.

8. Voeg ingedampte melk en melk by. Verhit tot warm en sous verdik het.

9. Sit warm saam met rys voor.

Beesstertsop

Gepubliseer op Sondag, 26 Augustus 2018 23:24
Trefslae: 2483
Druk
E-Pos

RESEP VAN DIE DAG goedgunstig verskaf deur LAPA Uitgewers.

Vandag se resep is uit die publikasie “50 Sop- en Broodgeregte” is verskaf

met komplimente van LAPA Uitgewers en is 'n samestelling van resepte deur LAPA uitgewers.

Beesstertsop

4-6 PORSIES

1 beesstert, in die litte geskei en oortollige vet verwyder

5 spekrepies, grof gekap

2 uie, gekap

1 selderystingel, gekap

1 wortel, in skywe gesny

1.5 L warm beesvleisaftreksel

1 bouquet garni

7 ml(1/2 t) sout

Varsgemaalde swartpeper na smaak

30 ml (2E) koekmeel

30 ml (2E) portwyn

30 ml (2t) suurlemoensap

Fyngekapte pietersielie vir garnering

Metode:

1. Braai die beesstert en spekvleis saam in n verhitte swaarboomkastrol.

2. Voeg die uie, seldery en wortel by en soteer dit effens.

3. Voeg die aftreksel, bouquet garni, sout en varsgemaalde swartpeper by. Plaas die deksel op en laat dit 3-4 uur lank prut.

4. Skep die vet van die sop af indien die sop baie vetterig is. Verwyder die bouguet garni. Skep die vleis uit met n gaatjieslepel en sny dit in stukkies. Skep die fyn vleis weer terug by die sop.

5. Meng die meel met genoeg water om n pasta te vorm. Voeg n bietjie van die warm vloeistof by en roer dan die mengsel by die sop in. Verhit die sop tot kookpunt en roer dit af en toe tot dit verdik. Voeg die portwyn en suurlemoensap by.

6. Garneer me die pietersielie en bedien sop warm.

WENK:Die aftreksel kan na stap drie oornag afgekoel word sodat die vetlaag bo-op afgeskep word.

Kerrieworsies

Gepubliseer op Woensdag, 15 Augustus 2018 10:40
Trefslae: 2391
Druk
E-Pos

RESEP VAN DIE DAG goedgunstig verskaf deur LAPA Uitgewers.

Vandag se resep is uit die publikasie “Vinnig en Maklik - Resepte uit Vrouekeur”

is verskaf met komplimente van LAPA Uitgewers en is 'n samestelling van resepte deur LAPA uitgewers.

Kerrieworsies

800 g beesworsies

Bietjie olie

2 wortels, in blokkies gesny

2 selderystingels, fyngekap

2 uie, gekap

5 ml (1t) kerriepoeier

2.5 ml (1/2 t) komyn

2.5 ml (1/2 t) fyn gemmer

500 ml (2k) beesvleisaftreksel

410 g (1 blik) gekapte tamaties

2.5 ml (1/2 t) droë gemengde kruie

45 ml (2e) blatjang

30 ml (2e) sojasous

30 ml (2e) mielieblom

30 ml (2e) water

Metode:

1.Plaas wors in pan en vul met water. Laat 10 minute prut vandat water begin borrel.

2. Verlaag hitte en laat wors nog ongeveer 5 minute prut.

3. Verwyder van hitte en dreineer.

4. verhit olie en soteer wortels en seldery daarin vir 8 minute. Voeg uie by en soteer nog n bietjie tot uie sag.

5. Voeg Kerrie, komyn, gemmer, aftreksel, tamaties, kruie, blatjang, en sojasous by. Verhit tot kookpunt en laat vir 45 minute prut.

6. Maak mielieblom en water tot gladde pasta aan en roer by sous. Voeg worsies by.

7. Laat vir 10 minute oor lae hitte prut tot sous verdik het.

8. Sit gereg saam met kapokaartappels voor.

Skaappotjie

Gepubliseer op Sondag, 29 Julie 2018 21:33
Trefslae: 2768
Druk
E-Pos

RESEP VAN DIE DAG goedgunstig verskaf deur LAPA Uitgewers.

Vandag se resep is uit die publikasie “Gunsteling Suid-Afrikaanse kos” is verskaf

metkomplimente van LAPA Uitgewers en is 'n samestelling van resepte deur LAPA uitgewers.

Skaappotjie

CLOVER Mooi River botter

3 uie, in blokkies gesny

10 ml (2t) gekapte vars knoffel

(2 x 200 g pakkies) spek in blokkies gesny

2 kg skaapvleis, in stukke gesny

Handvol vars pietersielie, fyngekap

Sout en peper na smaak

250 ml (1k) water

4 wortels, geskil en in skywe gesny

6 aartappels, geskil en in blokke gesny

500g groenboontjies, in stukkies gesny

375 ml (1k) laatoeswitwyn

250 ml CLOVER-vars room

60g (1 pakkie) sampioensop-poeier

Metode:

1. Smelt genoeg botter in n kastrol en braai die uie en knoffel. Gooi die spek by en braai tot gaar, skep alles uit en hou dit eenkant.

2. Smelt nog botter indien nodig en braai die skaapvleis in sarsies tot bruin.

3. Gooi al die vleis terug in die kastrol. Voeg die pietersielie, sout, peper en water by. Laat prut dit 'n uur lank oor lae hitte

4. Plaas die wortels, aartappels en groenboontjies bo-op die vleis. Giet die wyn bo-oor. Plaas die deksel op en laat prut dit nog 'n uur lank tot die groente sag raak. Voeg die uie en spek by.

5. Meng die room en soppoeier tot glad en giet dit oor die groente. Plaas die deksel op en laat prut nog 20 minute sodat die sous kan verdik.

6. Sit dit warm saam met rys voor.

Aartappelgereg

Gepubliseer op Dinsdag, 17 Julie 2018 17:19
Trefslae: 2388
Druk
E-Pos

RESEP VAN DIE DAG goedgunstig verskaf deur LAPA Uitgewers.

Vandag se resep is uit die publikasie “50 Boerekos-geregte” is verskaf

met komplimente van LAPA Uitgewers en is 'n samestelling van resepte deur LAPA uitgewers.

Aartappelgereg

Gaar aartappels, in skrywe gesny

Gaar brokkoli, in blommetjies gebreek

1 ui, gekap

25 ml botter

250 g sampioene, gekap

30 ml koekmeel

250 ml room

175 ml suurroom

250 ml gerasperde kaas

10 ml suurlemoensap

Vars of gedroogde tiemie na smaak

okkerneut helftes

Metode:

1. Rangskik aartappelskywe en brokkoli in oondvaste bak.

2. Braai die ui in die botter. Voeg die sampioene by en roerbraai dit n paar minute lank. Roer die meel deur.

3. Roer die room, suurroom, kaas en suurlemoensap by.

4. Skep dit oor die aartappels en bak teen 180 °C tot goudbruin

Ghoelasjsop

Gepubliseer op Sondag, 16 September 2018 21:39
Trefslae: 2367
Druk
E-Pos

RESEP VAN DIE DAG goedgunstig verskaf deur LAPA Uitgewers.

Vandag se resep is uit die publikasie “50 Boerekosgeregte” is verskaf

Met komplimente van LAPA Uitgewers en is 'n samestelling van resepte deur LAPA uitgewers

Ghoelasjsop

6-8 porsies

1 kg dikrib

45 ml (3E) kanola-olie

2 uie, fyngekap

2 Knoffelhuisies, fyngekap

20 ml (4T) gerookte paprika

15 ml (1t) suiker

30 ml (2e) tamatiepasta

250 ml (1k) rooiwyn

2.25 L beesvleisaftreksel

4 wortels, geskil en in skyfies gesny

4 ryp tamaties, skil en gekap

1 bouquet garni

5 ml (1t) sout

5 ml (1t) varsgemaalde swartpeper

1 rooi soetrissie, ontpit en repies gesny

125 ml (1/2 k) room

Metode:

1. Sny enige sigbare vet van die vleis af en sny die vleis dan in blokkies van 2.5 cm.

2. Verhit die olie in n swaarboomkastrol en soteer die uie en knoffel vir ongeveer 5 minute tot sag en deurskynend is.

3. Voeg die blokkies vleis by die uie en braai dit effens.

4. Roer die paprika deur die vleis en maak seker dat uie en vleis goed daarmee bedek is.

5. Roer meel, suiker, tamatiepasta, rooiwyn en aftreksel deur die vleismengsel.

6. Voeg die wortels, tamaties, bouquet garni, sout en swartpeper by. Verhit die sop tot kookpunt, plaas die deksel op en laat dit vir ongeveer 2uur liggies prut tot die vleis sag is.

7. Blansjeer die soetrissierepies en voeg twee-derdes van die repies by die sop. Laat die sop vir nog 15 minute prut.

8. Verwyder die bouquet garni uit die sop en roer die room deur. Garneer met die oorblywende soetrissierepies en bedien dadelik.

Botterhoender

Gepubliseer op Sondag, 16 September 2018 21:04
Trefslae: 2151
Druk
E-Pos

RESEP VAN DIE DAG goedgunstig verskaf deur LAPA Uitgewers.

Vandag se resep is uit die publikasie “Gunsteling Suid-Afrikaanse kos” is verskaf

met komplimente van LAPA Uitgewers en is 'n samestelling van resepte deur LAPA uitgewers

Botterhoender

6-8 PORSIES

2kg hoenderporsies

Marinade

125 ml CLOVER Classic-ongegeurde jogurt

5 ml (1t) gekapte vars knoffel

5 ml (1t) gekapte vars gemmer

Knippie fyn kaneel

2.5 ml(1/2 t) varsgemaalde swartpeper

2.5 ml(1/2t) witpeper

5 ml (1t) sout

5 ml (1t) suurlemoensap

Sous

CLOVER Farmstyle-botter

1 ui , fyngekap

30 ml (2e) tamatiepasta

10 ml (2t) suurlemoensap

Sout na smaak

2.5 ml (1/2t) rooi rissiepoeier

375(1 1/2k) CLOVER-vars room

Fyngekapte koljanderblare

Metode:

1. Plaas die hoenderstukke in n glasbak. Meng die bestanddele vir die marinade saam en giet dit oor. Laat dit oornag in die yskas Staan. Haal die hoenderstukke uit die marinade

2. Smelt genoeg botter in kastrol en braai die hoender in sarsies tot goudbruin.

3. Plaas al die hoenderstukke terug in die kastrol, giet die marinade by en roer die ui,tamatiepuree, tamatiepasta, suurlemoensap, sout en rooi rissiepoeier by.laat kook dit oor matige hitte tot hoender deurgaar is – ongeveer 40 minute.

4. Roer die room by en laat prut dit tot deurwarm.

5. Sit warm voor saam met gekapte koljanderblare en naanbrood.

Maalvleis-en-eierpastei

Gepubliseer op Woensdag, 29 Augustus 2018 19:45
Trefslae: 2169
Druk
E-Pos

RESEP VAN DIE DAG goedgunstig verskaf deur LAPA Uitgewers.

Vandag se resep is uit die publikasie “Vinnig en Maklik - Resepte uit Vrouekeur”

is verskaf met komplimente van LAPA Uitgewers en is 'n samestelling van resepte deur LAPA uitgewers.

Maalvleis-en-eierpastei

6 porsies

800 g(2x400g-rolle) skilferkorsdeeg

VULSEL

Bietjie olie

1 ui, gekap

800 g beesmaalvleis

410 g (1 blik) gekapte tamaties

Sout en varsgemaalde swartpeper

2.5 ml (1/2 t) droë pietersielie

45 ml (3e) blatjang

10 ml (2t) koekmeel

6 hardgekookte eiers

AFRONDING

1 ekstra groot eier, geklits

45 ml (3e) sesamsaad

Stel oond op 200°C.

Metode:

1. VULSEL verhit bietjie olie en soteer ui daarin tot sag. Voeg maalvleis by soteer tot gaar.

2. Voeg tamaties, sout, peper, pietersielie en blatjang by en laat vir 10 minute prut tot meeste van vloeistof weg gekook het. Roer meel by en laat prut nog 5 minute tot dik.

3. Rol een rol skilferkorsdeeg op gesmeerde bakplaat oop. Skep maalvleis bo-op, maar moenie tot teen kante smeer nie.

4. Plaas eiers in middel.plaas oorblywende rol skilferkorsdeeg bo-op en druk kante toe.

5. AFRONDING smeer eier bo-op en sprinkel sesamsaad bo-oor.

6. Bak vir 30 minute of tot goudbruin.

Pens en pootjies met boontjies

Gepubliseer op Woensdag, 15 Augustus 2018 11:43
Trefslae: 2455
Druk
E-Pos

RESEP VAN DIE DAG goedgunstig verskaf deur LAPA Uitgewers.

Vandag se resep is uit die publikasie “Gunsteling Suid-Afrikaanse kos” is verskaf

met komplimente van LAPA Uitgewers en is 'n samestelling van resepte deur LAPA uitgewers.

Pens en pootjies met boontjies

6-8 PORSIES

8 vark- of skaappense en pootjies

300 g spikkelboontjies (sugar beans)

25 ml (5e) witasyn

5 ml (1t) suiker

2 heel kruienaeltjies

5 ml (1t) fyn koljander

5 ml (1t) fyn wonderpeper

1 uie fyngekap

20 ml (4t) magtige kerriepoeier

10 ml borrie

Handvol gekapte vars Koljanderblare

Metode:

1. Gooi die afval in n groot genoeg mengbak. Bedek dit met soutwater en laat dit 'n uur lank week. Haal dit uit en spoel onder skoon water af.

2. Bedek die boontjies met water en laat dit ook 'n uur lank week.

3. Dreineer die boontjies en gooi dit in 'n groot kastrol. Bedek dit met skoon water en kook 45 minute lank oor matige hitte tot sag. Laat boontjies in die water afkoel.

4. Plaas intussen die afval in 'n aparte kastrol en bedek dit met skoon water. Kook dit oor matige hitte tot sag – ongeveer 'n uur lank. Kap of sny die afval in kleiner stukkies en gooi dit weer by die vloeistof in die kastrol.

5. Voeg die res van die bestanddele, behalwe die koljanderblare en boontjies, by. Roer dit deur en laat dit nog 45 minute lank oor matige hitte prut.

6. Dreineer weer die boontjies en roer dit by die afval in die kastrol. Laat prut dit nog 10 minute en sit dit warm voor saam met vars koljander.

Krakerige tunagebak

Gepubliseer op Woensdag, 15 Augustus 2018 10:32
Trefslae: 2990
Druk
E-Pos

RESEP VAN DIE DAG goedgunstig verskaf deur LAPA Uitgewers.

Vandag se resep is uit die publikasie ““Vinnig en Maklik - Resepte uit Vrouekeur” is

verskaf met komplimente van LAPA Uitgewers en is 'n samestelling van resepte deur LAPA uitgewers.

Krakerige tunagebak

500 g (1 pak) pasta

Bietjie olie

2 uie, gekap

5 ml (1t) gekapte vars knoffel

2,5 ml (1/2t) droë pietersielie

Sout n varsgemaalde swartpeper

15 ml (1e) koekmeel

340 g (2x 170 g-blikkies) tuna in water, gedreineer

410 g (1 blik) sampioenroomsop

250 ml (1k) dubbeldik room

125 ml (1/2 k) melk

500 ml (2 k) gerasperde Mozzarella

125 g (1 groot pak) aartappelskyfies in Grasuiegeur, fyngedruk

Stel oond op 180°C.

Metode:

1. Kook pasta in borrelende kookwater waarby bietjie sout en olie gevoeg is tot net sag. Dreineer en hou eenkant.

2. Verhit olie en souter uie knoffel en pietersielie daarin tot sag, Geur met stout en peper na smaak. Roer meel by.

3. Roer tuna, sampioensop, room en melk by uiemengsel en kook tot effens dik. Verwyder van hitte en roer by pasta.

4. Skep helfte van pastamengsel in gesmeerde oondbak van 24cm x 32cm.

5. Sprinkel kaas bo-oor. Skep oorblywende pastamengsel bo-op.

6. Sprinkel skyfies bo-oor en bak vir 30 minute.

Smoorsnoek

Gepubliseer op Woensdag, 25 Julie 2018 12:01
Trefslae: 2448
Druk
E-Pos

RESEP VAN DIE DAG goedgunstig verskaf deur LAPA Uitgewers.

Vandag se resep is uit die publikasie “Gunsteling Suid-Afrikaanse kos” is verskaf

met komplimente van LAPA Uitgewers en is 'n samestelling van resepte deur LAPA uitgewers.

Smoorsnoek

2 groot aartappels, geskil

1 gaar snoek

60 ml (4e) CLOVER Mooi River - botter

2 uie, fyngekap

5 ml (1t) gekapte vars knoffel

1 groen brandrissie, ontpit en fyngekap

2 ryp tamaties, in blokkies gesny

500 ml (2k) gaar witrys

Peper na smaak

Handvol vars pietersielie, fyngekap

Metode:

1.Kook die aartappels in soutwater tot gaar. Dreineer en sny dit in blokkies.

2.Vlek die snoek met jou hande oop en verwyder al die grate. Breek die snoek in groterige stukke.

3. Smelt die botter en braai braai die uie en knoffel daarin tot deurskynend.

4. Voeg die brandrissie, tamatie- en aartappels by.

5. Roer die snoek by laat dit prut tot deurwarm.

6. Roer die rys by en geur met peper en pietersielie

7. Sit dit warm voor

Gestolde Komkommerslaai

Gepubliseer op Donderdag, 12 Julie 2018 17:18
Trefslae: 4003
Druk
E-Pos

RESEP VAN DIE DAG goedgunstig verskaf deur LAPA Uitgewers.

Vandag se resep is uit die publikasie “50 Boerekos-geregte” is verskaf

met komplimente van LAPA Uitgewers en is 'n samestelling van resepte deur LAPA uitgewers.

Gestolde Komkommerslaai

80 g 1(pakkie) lemmetjiegeur jelliepoeier

190 ml kookwater

60 ml suurlemoensap

2 ml uiesap

190 ml suurroom

250 ml gekapte of gerasperde;

Geskilde komkommer

Metode:

1. Los die jellie op in die kookwater en voeg die suurlemoen- en uiesap.

2. Verkoel dit tot effens gestol. Roer die suuroom en komkommer by.

3. Skep die mengsel in n uitgespoelde vorm en verkoel dit tot gestol.

4. Keer die slaai op n mooi bord uit en garneer dit na smaak.

VARIASIE: Vervang die helfte van die suurroom met mayonnaise.

Tuna –en-aartappelpastei

Gepubliseer op Sondag, 16 September 2018 21:29
Trefslae: 2330
Druk
E-Pos

RESEP VAN DIE DAG goedgunstig verskaf deur LAPA Uitgewers.

Vandag se resep is uit die publikasie ““Vinnig en Maklik - Resepte uit Vrouekeur” is verskaf

met komplimente van LAPA Uitgewers en is 'n samestelling van resepte deur LAPA uitgewers

Tuna-en-aartappelpastei

4 porsies

Groot klont botter

2 uie, gekap

5 ml (1t) gekapte vars knoffel

1.5 kg aartappels, ongeskil

30 ml (2e) botter

Sout en varsgemaalde swartpeper

510 g (3x170 g-blikkies ) tuna in water, gedreineer

60 ml (4e) gekapte vars pietersielie

410 g (1 blik) tamatie-en-uiemengsel

375 ml (1 k) gerasperde cheddar

Stel oond op 180°C

Metode:

1. Verhit botter en soteer uie en knoffel daarin tot sag. Hou eenkant.

2. Verhit genoeg water waarby bietjie sout gevoeg is tot kookpunt en kook aartappels vir ongeveer 25 minute daarin tot sag.

3.Dreineer en laat effens afkoel. Trek aartappels se skille af.

4. Druk aartappels met botter fyn en geur met sout en peper na smaak.

5. Roer uiemengsel en parmesaan by aartappels tot goed gemeng.

6. Skep helfte van aartappelmengsel in gesmeerde oondbak.

7. Skep tuna bo-op en sprinkel pietersielie bo-oor.

8. Skep tamatiemengsel gevolg deur oorblywende aartappelmengsel bo-op tuna.

9. Sprinkel kaas bo-oor en bak vir 30 minute.

Vis-Wellington

Gepubliseer op Sondag, 16 September 2018 20:45
Trefslae: 2712
Druk
E-Pos

RESEP VAN DIE DAG goedgunstig verskaf deur LAPA Uitgewers.

Vandag se resep is uit die publikasie “Vinnig en Maklik - Resepte uit Vrouekeur”

is verskaf met komplimente van LAPA Uitgewers en is 'n samestelling van resepte deur LAPA uitgewers.

Vis-Wellington

6 porsies

250 ml (1k) melk

250 ml (1k) water

400 g (1 pak) skelvisfilette

800 g (2x400 g-rolle) skilferkorsdeeg

Bietjie olie

5 ml (1t) gekapte vars knoffel

250 (1 pakkie) sampioene, in skyfies gesny

6 grasuie, gekap

Knypie sout en varsgemaalde swartpeper

2.5 ml (1/2 t) droë gemengde kruie

125 g (1/2 bakkie) laevetmaaskaas

1 ekstragroot eier, geklits

Stel oond op 180°C

Metode:

1. Verhit melk en water in kastrol tot kookpunt. Kook vilette vir ongeveer 20 minute daarin tot gaar. Dreineer.

2. Trek vis se velletjies af en laat eenkant om af te koel.

3. Rol een rol skilferkorsdeeg op gesmeerde bakplaat of een wat met bakpapier uitgevoer is oop. Plaas helfte van visfilette daar op, hou eenkant.

4. Verhit olie en soteer ui en knoffel daarin tot sag. Voeg sampioene by en soteer tot gaar.

5. Voeg grasuie, sout, peper en kruie by en soteer tot vloeistof afgekook het.

6. Roer maaskaas by uiemengsel.skep maaskaasmengsel op visfilette en maak gelyk.

7. Plaas oorblywende visfilette bo-op.

8. Plaas twee rol skilferkorsdeeg bo-op. Verf geklitste eier bo-oor.

9. Bak vir 25 minute of tot goudbruin. Sit warm voor.

Springbokpastei met suurlemonkors

Gepubliseer op Sondag, 26 Augustus 2018 23:37
Trefslae: 2741
Druk
E-Pos

RESEP VAN DIE DAG goedgunstig verskaf deur LAPA Uitgewers.

Vandag se resep is uit die publikasie “Gunsteling Suid-Afrikaanse kos” is verskaf

met komplimente van LAPA Uitgewers en is 'n samestelling van resepte deur LAPA uitgewers.

Springbokpastei met suurlemoenkors

6-8 PORSIES

CLOVER Farmstyle-botter

2 uie, fyngekap

5 ml (1t) gekapte vars knoffel

200 g (1 pakkie) spek in blokkies gesny

2.5 kg springbokvleis

2.5 (1/2 t) fyn koljander

Knippie fyn kruienaeltjies

Knippie vars gemaalde swartpeper

2 lourierblare

2 handevol gekapte vars pietersielie

30 ml (2e) bruinasyn

500 ml (2k) kookwater

1 beesvleisaftrekselbokkie

125 ml (1/2k) CLOVER-vars room

sout en paper

SUUROOMKORS

375 ml (1/2 k) koekmeel

Knippie sout

100 g (1/5 blok) CLOVER Mooi Rivier – botter

125 ml (1/2k) CLOVER- suuroom

1 eier, geklits bietjie melk vir bo-oor

Metode:

1. Smelt genoeg botter in n groot swaarboomkastrol en braai die uie en knoffel. Gooi die spek by en braai dit tot gaar. Skep die mengsel uit en hou dit eenkant.

2. Smelt nog botter indien nodig en braai die vleis in sarsies tot goudbruin.

3. Skep al die vleis en die spekmengsel terug in die kastrol. Voeg die koljander, naeltjies, swartpeper, lourierblare, pietersielie, asyn, kookwater en vleisaftrekselblokkie by.

4. Plaas die deksel op en laat prut dit 2 tot 3 uur lank of tot die vleis van die been afval verwyder die en lourierblare

5. Roer die room deur die vleis tot gemeng. Proe en guur met genoeg sout en peper.

6. Smeer groot genoeg oondvatse bak met botter en skep die vleis in die voorbereide bak.

SUURROOMKORS

1. Sif die koekmeel en sout saam. Vryf die botter daarby in totdat soos boodkrummels lyk.

2. Meng die suurroom en eier en voeg dit by die meelmengsel. Meng tot 'n stywe deeg. Plaas dit in n plastieksakkie en laat dit vir 20 minute in die yskas staan.

3. Voorverhit die oond tot 200°C.

4. Rol die deeg op n meelbestrooide oppervlak uit sodat die die vleis in die oondbak sal bedek.

5. Verf water op die oondbak se kante. Plaas die deeg bo-oor en druk dit op rand vas. Sny enige oortollige deeg af. Steek n paar gaatjies in die kors en verf melk bo-oor.

6. Bak die pastei 35 tot 40 minute lank of tot liggoudbruin bo-op

7. Sit dit warm voor saam rys en groente.

Vispastei

Gepubliseer op Woensdag, 15 Augustus 2018 11:03
Trefslae: 3276
Druk
E-Pos

RESEP VAN DIE DAG goedgunstig verskaf deur LAPA Uitgewers.

Vandag se resep is uit die publikasie “Gunsteling Suid-Afrikaanse kos” is verskaf

met komplimente van LAPA Uitgewers en is 'n samestelling van resepte deur LAPA uitgewers.

Vispastei

6 PORSIES

15 ml (1e) ClOVER farmstyle-botter

10 ml (2t) kanola olie

1 uie fyngekap

5 ml (1t) mosterdpoeier

15 ml (1e) suurlemoensap

500 g gaar vis van jou keuse, gevlok

500 ml (2k) kapokaartappels

5 ml (1t) sout Varsgemaalde swartpeper

60 ml (4e) fyngekapte pietersielie

1 eier geklits

60 ml (4e) CLOVER-volroommelk

250 ml (1k) droë broodkrummels

ekstra botter

250 ml (1k) Gerasperde ClOVER-cheddarkaas

Metode:

1. Voorverhit die oond 180°C en smeer 'n oondvaste bak.

2. Verhit die botte en olie in n swaarboomkastrol en braai die ui tot deurskynend.

3. Meng die mosterdpoeier met die suurlemoensap. Meng die mosterdmengsel met die ui, vis, die helfte van kapokaartappels, die sout, peper en die helfte van die pietersielie.

4. Klits die eier en melk saam en voeg dit by die vismengsel. Meng alles goed goed saam en skep dit in die voorbereide oondbak. Maar maak seker dat jy nie die mengsel vasdruk nie.

5. Meng die res van die pietersielie met die oorblywende kapokaartappels en skep dit bo-op die vulsel

6. Strooi die broodkrummels oor die bolaag en stip met blokkies botter.

7. Strooi die kaas oor en bak die pastei vir 30 minute tot goudbruin en gaar.

Denningvleis (Rooivleis)

Gepubliseer op Woensdag, 01 Augustus 2018 19:28
Trefslae: 3162
Druk
E-Pos

RESEP VAN DIE DAG goedgunstig verskaf deur LAPA Uitgewers.

Vandag se resep is uit die publikasie “Gunsteling Suid-Afrikaanse kos” is verskaf

met komplimente van LAPA Uitgewers en is 'n samestelling van resepte deur LAPA uitgewers.

Denningvleis (Rooivleis)

4-5 PORSIES

30 ml (2e) tamaryn

60 ml (4e) kookwater

5 aartappels, geskil en in blokke gesny

CLOVER Mooi River-botter

3 uie, gekap

6 knoffelhuisies, fyngemaak

1 kg skaapvleis, in blokkies gesny

2 ryp tamaties, in blokkies gesny

5 ml (1t) sout

5 wonderpeperkorrels

5 kruie naeltjies

3 lourierblare

30 m (2e) sojasous

10 peperkorrels

125 ml (1/2 k) kookwater

Knippie neutmuskaat

Metode:

1. Wee die tamaryn in die 60 ml (4e) kookwater.

2. Kook die aartappels in soutwater tot halfpad gaar. Dreineer en hou dit een kant.

3. Smelt genoeg botter indien nodig in n groot swaarboomkastrol en braai die uie en knoffel tot sag.Skep dit uit en hou eenkant.

4. Smelt nog botter indien nodig en braai die vleisblokkies in sarsies tot bruin. Skep al die vleis, die ui en knoffel terug in die kastrol.

5. Voeg die sout, wonderpeperkorrels, naeltjies, lourierblare, sojasous en peperkorrels by en roer deur.

6. Gooi die tamaryn en 125 ml (1/2 k) kookwater by en laat kook dit nog n halfuur lank.

7. Gooi die aartappels by en laat kook nog n halfuur lank.

8. Strooi neutmuskaat bo-oor net voor opdiening

9. Sit dit voor saam met geelrys.

Groenboontjiegereg

Gepubliseer op Vrydag, 20 Julie 2018 15:40
Trefslae: 3367
Druk
E-Pos

RESEP VAN DIE DAG goedgunstig verskaf deur LAPA Uitgewers.

Vandag se resep is uit die publikasie “50 Boerekos-geregte” is verskaf

met komplimente van LAPA Uitgewers en is 'n samestelling van resepte deur LAPA uitgewers.

Groenboontjiegereg

1 kg groenboontjies, gekerf

2 uie, gekap

250 g spekvleis, gesnipper

250 g sampioene, gekap

750 ml dik witsous

200 g (1 pakkie) bacon kips, fyngemaak

250 ml gerasperde kaas

Metode:

1. Kook die boontjies in soutwater tot net gaar.

2. Braai die uie, spek en sampioene saam.

3. Meng al die groente, die spek, witsous en beskuitjies en skep dit in n gesmeerde oondvaste bak.

4. Strooi die kaas oor en bak dit 20 minute tot n halfuur lank teen 180 °C

Bladsy 1 van 6

Begin
Vorige
1
2
3
4
5
6
Volgende
Einde