RESEPTE

Pampoenkoekies

Gepubliseer op Vrydag, 15 Junie 2018 08:50
Trefslae: 19
Druk
E-Pos

RESEP VAN DIE DAG goedgunstig verskaf deur LAPA Uitgewers

Vandag se resep is uit die publikasie “Koljander, koljander so deur die Bosch” is

verskaf met komplimente van LAPA Uitgewers en die skryfster Annatjie Melck

Pampoenkoekies

JY HET NODIG

1 groot eier, geklits

1 k (250 ml) gaar, koue pampoen, fyngemaak

1 k (250 ml) koekmeel

2 t (10 ml) bakpoeier (hoogvol teelepels)

'n knippie sout

sonneblomolie vir vlakbraai

suiker en fyn kaneel na smaak, gemeng

MAAK DAN SO

1. Meng die eier en pampoen in 'n mengbak.

2. Sif die droë bestanddele saam en meng dit deeglik met die pampoenmengsel.

3. Verhit die olie in 'n swaarboompan en skep lepels vol van die mengsel in warm olie. Braai die koekies tot daar gaatjies vorm aan die bokant. Draai die koekies om en braai verder tot gaar.

4. Skep die koekies uit en dreineer op kombuispapier. Skep dit in 'n opdienbak en strooi die suiker en kaneel oor. Stip met 'n bietjie botter. Herhaal tot die mengsel opgebruik is.

MY MA HET GESÊ

Oondbak die pampoen in foelie om te voorkom dat die pampoen te waterig is.

Norma se Kerrie

Gepubliseer op Vrydag, 15 Junie 2018 08:50
Trefslae: 13
Druk
E-Pos

RESEP VAN DIE DAG goedgunstig verskaf deur LAPA Uitgewers

Vandag se resep is uit die publikasie “Koljander, koljander so deur die Bosch” is

verskaf met komplimente van LAPA Uitgewers en die skryfster Annatjie Melck

Norma se Kerrie

JY HET NODIG

3 E (45 ml) botter

4 uie, in ringe gesny

4 knoffelhuisies, fyngekap

1 groot rooi soetrissie, ontpit en in repe gesny

1 groot geel soetrissie, ontpit en in repe gesny

2 t (10 ml) sout

2 t (10 ml) borrie

1 E (15 ml) kerriepoeier

2 kg lamsvleis (500 g nek, 500 g rib en 1 kg skouer, in blokkies gesny)

1 x 410 g-blikkie tamaties, gekap

1 k (250 ml) sultanas

2 t (10 ml) fyn gemmer

½ t (2.5 ml) fyn kruinaeltjies

1 t (5 ml) fyn kaneel

½ t (2.5 ml) gemengde kruie

1 E (15 ml) fyn komyn (jeera)

½ t (2.5 ml) koljander

4 kardemompeule, gekneus

2 t (10 ml) fyn anys

1 klein handvol vars kerrieblare

1 x 400 ml-blikkie klappermelk

MAAK DAN SO

1. Verhit die botter in 'n swaarboomkastrol en braai die uie, knoffel en soetrissies tot die uie deurskynend is (nie bruin nie).

2. Roer die sout, borrie en kerriepoeier deur die uiemengsel en braai vir 2 minute oor lae hitte.

3. Voeg die res van die bestanddele by en laat vir 1½ uur stadig prut tot die vleis sag is. Roer af en toe.

4. Voeg bietjie warm water by indien die sous te min is.

5. Bedien saam met witrys.

MY MA HET GESÊ

Groen kardemompeule is beter om te gebruik as bruin kardemompeule.

Die vars kerrieblare bring die geur van die dis uit.

Maklike Kaiingpotbrood

Gepubliseer op Vrydag, 15 Junie 2018 08:49
Trefslae: 12
Druk
E-Pos

RESEP VAN DIE DAG goedgunstig verskaf deur LAPA Uitgewers

Vandag se resep is uit die publikasie “50 Sop- en Broodgeregte” is verskaf met

komplimente van LAPA Uitgewers en is 'n samestelling van resepte deur LAPA uitgewers.

Maklike kaiingpotbrood

1 GROOT BROOD

1 kg witbroodmeel

4 x 250 ml semels

10 ml (2 t) sout

10 ml (2 t) suiker

1 x 10 g-pakkie kitsgis

4 x 250 ml louwarm water

45 ml (3 E) kanola-olie

15 ml (1 E) asyn

500 ml (2 k) uitgebraaide kaiings

Metode:

1. Voorverhit die oond tot 200ºC en smeer 'n ronde ysterpot met olie.

2. Meng die meel, semels, sout en gis saam in 'n groot mengbak.

3. Meng die water, olie en asyn saam en voeg dit by die meelmengsel. Die deeg word nie geknie nie, so dit moet redelik slap wees. Voeg nog 'n bietjie louwarm water by indien nodig.

4. Roer die kaiings deur dei deeg en skep dit in die voorbereide ysterpot. Laat die pot op 'n warm plek rus vir 1 uur sodat die deeg kan rys.

5. Bak die brood vir 1 uur tot gaar of tot 'n toetspen skoon uitkom.

Romerige Blomkool-en-Aartappelsop

Gepubliseer op Sondag, 27 Mei 2018 16:27
Trefslae: 13
Druk
E-Pos

RESEP VAN DIE DAG goedgunstig verskaf deur LAPA Uitgewers

Vandag se resep is uit die publikasie “50 Sop- en Broodgeregte” is verskaf met

komplimente van LAPA Uitgewers en is 'n samestelling van resepte deur LAPA uitgewers.

Romerige blomkool-en-aartappelsop

4 PORSIES

20 ml kanola-olie

250 g spekvleis, in klein blokkies gesny

3 knoffelhuisies, fyngekap

2 preie, gehalveer, goed gewas en in dun skyfies gesny

½ middelslag-blomkool, gewas en in klein blommetjies gesny

500 g aartappels, geskil en in blokkies gesny

1 L hoenderaftreksel

60 ml room

Metode:

1. Verhit 10 ml van die olie in 'n swaarboomkastrol en braai die spek vir 5 minute of tot bros. Skep die spek met 'n gaatjieslepel uit en dreineer die oortollige olie op kombuispapier.

2. Voeg die oorblywende olie in die kastrol en soteer die knoffel en prei vir 5 minute terwyl aanhoudend geroer word.

3. Voeg die blomkool, aartappel en aftreksel by die prei en knoffel. Bedek di kastrol gedeeltelik en verhit die sop tot kookpunt. Verlaat die hitte en laat die sop vir 25 minute liggies prut tot die groente sag is. Roer die sop gereeld.

4. Roer die helfte van die spek deur en laat die sop effens afkoel.

5. Giet die sop in sarsies in 'n voedselverwerker en verpulp tot glad. Giet die sop weer terug in die kastrol en voeg die room by. Verhit die sop tot deurwarm ( moet dit nie weer laat kook nie).

6. Skep die sop in bakkies, strooi die oorblywende spek oor en bedien met volgraan-roosterbrood.

Mosselpot

Gepubliseer op Sondag, 20 Mei 2018 18:15
Trefslae: 36
Druk
E-Pos

RESEP VAN DIE DAG goedgunstig verskaf deur LAPA Uitgewers

Vandag se resep is uit die publikasie “Laat die Potte Sing” is verskaf

met komplimente van LAPA Uitgewers en die skryfster Marlise Scheepers.

Mosselpot

600 g mossels

2 e botter

1 rooi ui, fyngekap

3 knoffelhuisies, gekneus

2 k droë

'n handvol gekapte pietersielie

sout en varsgemaalde swartpeper na smaak

Probeer altyd jou bes om vars mossels in die hande te kry.

Skrop die mossels goed en verwyder die baard.

Verhit die botter in 'n kastrol en soteer die ui en knoffel tot die ui deurskynend is.

Voeg die wyn by en direk daarna die mossels.

Draai die mossels na twee minute om in die pot sodat alles met die uie, knoffel, botter en wyn bedek word.

Voeg die pietersielie by.

Sodra die mossels oopgaan, is hulle gaar - gooi enige mossels weg wat nie oopgegaan het nie.

Sit dadelik voor.

Boeliebief-en-mielie-flapjacks

Gepubliseer op Maandag, 07 Mei 2018 16:59
Trefslae: 46
Druk
E-Pos

RESEP VAN DIE DAG goedgunstig verskaf deur LAPA Uitgewers

Vandag se resep is uit die publikasie “Marilyn kuier en kook!” is verskaf met komplimente van LAPA Uitgewersen en die skryfster Marilyn Gantana

Boeliebief-en-mielie-flapjacks

Genoeg vir 6 - 8

500 ml koekmeel

10 ml bakpoeier

2 ml sout

5 ml suiker

1 eier, geklits

200 ml melk

25 ml gesmelte botter of kookolie

125 ml suikermielies (sweet corn)

125 ml boeliebief (corned beef), in blokkies gesny

Metode:

1. Sif die meel, bakpoeier, sout en suiker saam.

2. Klits die eier, melk en botter of olie saam. Maak 'n holte in die meelmengsel en voeg die vloeistofmengsel geleidelik by. Meng goed.

3. Voeg nou die boeliebief en mielies by en meng liggies.

4. Skep lepels vol van die deegmengsel in 'n lig-gesmeerde warm pan. Draai die koekies om sodra daar lugblasies op die bokant vorm.

5. Braai albei kante tot ligbruin en bedien met tamatie, blaarslaai en komkommer.

Wenke:

* Jy kan die boeliebief met wors of oorskietvleis vervang

* Vir die soettand, laat die boeliebief en mielies weg vir gewone flapjacks as 'n nagereg. Bedien warm met heuning, room, appelkooskonfyt of gouestroop.

Grenadella-en-vlakoekies

Gepubliseer op Woensdag, 25 April 2018 22:42
Trefslae: 57
Druk
E-Pos

RESEP VAN DIE DAG goedgunstig verskaf deur LAPA Uitgewers

Vandag se resep is uit die publikasie “Vinnig en Maklik - Resepte uit Vrouekeur 3” is goedgunstig

verskaf met komplimente van LAPA Uitgewers en die skryfster Marlo Carstens

Grenadella-en-vlakoekies

ongeveer 16 koekies

KOEKIES

250 g (½ blok)

80 ml versiersuiker

5 ml (1 t) vanieljegeursel

375 ml (1½ k) bruismeel

125 ml (½ k) vlapoeier

VERSIERSEL

60 ml (4 e) sagte botter

250 ml (1 k) versiersuiker

20 ml (4 t) grenadellapulp

Stel oond op 180ºC

Metode:

1. KOEKIES Room botter en versiersuiker tot liggeel. Roer vanieljegeursel by.

2. Sif meel en vlapoeier en roer by bottermengsel tot deeg vorm. Voeg bietjie meel by as deeg te slap is.

3. Rol deeg in klein balletjies en plaas op bakplaat wat met bakpapier uitgevoer is. Druk met vurk effens platter.

4. Bak vir 15 tot 17 minute of tot ligbruin.

5. Plaas op afkoelrakkie tot heeltemal afgekoel.

6. VERSIERSEL Room botter en versiersuiker tot liggeel en romerig. Roer grenadellapulp by.

7. Smeer versiersel op plat kant van een koekie en plaas volgende koekie bo-op. Herhaal met res van koekies.

Hertzoggies

Gepubliseer op Donderdag, 12 April 2018 19:13
Trefslae: 99
Druk
E-Pos

RESEP VAN DIE DAG goedgunstig verskaf deur LAPA Uitgewers

Vandag se resep is uit die publikasie “Gunsteling Suid-Afrikaanse kos” is verskaf

met komplimente van LAPA Uitgewers en Clover.

Hertzoggies

60 Koekies

Deeg

750 g (6 k) koekmeel

10 ml (2 t) bakpoeier

5 ml (1 t) sout

500 g ( 1 blok) CLOVER Mooi River -botter

500 ml (2 k) suiker

4 eiers

30 ml (2 e) CLOVER-volroommelk

Vulsel

185 ml (¾ k) fyn appelkooskonfyt

Meringuebolaag

5 ekstra groot eierwitte

250 ml (1 k) strooisuiker

2,5 ml (½ t) vanieljegeursel

500 ml (2 k) klapper

Metode:

1. Sif die koekmeel, bakpoeier en sout saam.

2 Vryf die botter by die meelmengsel in totdat dit soos fyn broodkrummels lyk.

3. Roer die suiker by tot gemeng .

4. Klits die eiers en melk saam. Roer dit by die meelmengsel tot 'n deeg vorm .

As die deeg te styf is, kan nog 'n bietjie melk bygevoeg word tot 'n stywe maar hanteerbare deeg vorm.

5. Plaas die deeg in 'n plastieksakkie en laat <lit 30 minute lank in die yskas staan.

6. Voorverhit die oond tot 180 °C . Smeer kolwyntjiepanne goed met botter.

7. Rol die deeg op 'n meelbestrooide oppervlak uit tot ongeveer 4 mm dik.

8. Druk deegsirkels uit met 'n koekiedrukker van 6 cm in deursnee en plaas dit in die kolwyntjiepanne .

9. Skep ongeveer 5 ml (1 t) appelkooskonfyt in elke deegdoppie .

10. Maak die meringuebolaag: Klits die eierwitte tot stywe puntstadium en klits dan die strooisuiker geleidelik by. Hou aan klits tot die meringue dik en glansend is .

Roer die vanieljegeursel en klapper in .

11. Skep genoeg meringue op elke koekie om die konfyt heeltemal te bedek. 12. Bak dit 12 tot 15 minute of tot die meringue lig-goudbruin is. 13.

Laat die koekies effens afkoel in die panne en plaas dit dan op 'n afkoelrakkie om heeltemal af te koel. 14. Bere dit in 'n lugdigte houer.

Wenk

Die panne met deegdoppies kan m et kleefplastiek bedek en in die yskas gebêre word tot benodig .

Aartappelsop

Gepubliseer op Dinsdag, 03 April 2018 21:14
Trefslae: 167
Druk
E-Pos

RESEP VAN DIE DAG goedgunstig verskaf deur LAPA Uitgewers

Vandag se resep is uit die publikasie “50 Sop- en Broodgeregte” is verskaf

met komplimente van LAPA Uitgewers en is 'n samestelling van resepte deur LAPA uitgewers.

Aartappelsop

4 Porsies

45 ml (3 E) botter

5 ml (1 t) kanola-olie

1 ui, in dun skywe gesny

6 aartappels, geskil en in skywe gesny

750 ml (3 k) hoenderaftreksel

5 ml (1 t) gemengde kruie

5 ml (1 t) sout

1 ml (¼ t) witpeper

15 ml (1 E) fyngekapte vars pietersielie

Metode:

1. Verhit die olie en botter saam in 'n swaarboompan en braai die ui liggies vir 5 minute. Voeg die aartappels by en soteer vir nog 5 - 10 minute.

2. Voeg die res van die bestanddele by en verhit tot kookpunt. Roer af en toe.

3. Bedek die kastrol en laat die sop vir 15 minute prut.

4. Laat die sop effens afkoel, giet dit in 'n voedselverwerker en verpulp tot glad of vryf dit deur 'n sif.

5. Giet die sop terug in die kastrol en verhit tot deurwarm. Bedien dadelik.

Komkommer-en-Tamatie Sambal

Gepubliseer op Donderdag, 31 Mei 2018 14:56
Trefslae: 35
Druk
E-Pos

RESEP VAN DIE DAG goedgunstig verskaf deur LAPA Uitgewers

Vandag se resep is uit die publikasie “Koljander, koljander so deur die Bosch” is

verskaf met komplimente van LAPA Uitgewers en die skryfster Annatjie Melck

Komkommer-en-Tamatie Sambal

JY HET NODIG

1 groot Engelse komkommer

1 groot tamatie

2 t (10 ml) sout

3 E (45 ml) witasyn

2 t (10 ml) suiker

2 groen brandrissies, ontpit en fyngekap

4 E (60 ml) fyngekapte vars koljanderblare

MAAK DAN SO

1. Skil die komkommer, verwyder die saad en rasper dit grof. Strooi ekstra sout oor die komkommer en laat dit vir 10 minute staan.

2. Sny die tamatie in die helfte, verwyder die saad en kap dit fyn.

3. Dreineer die vog in die komkommer gevorm het en maak die komkommer droog op kombuispapier.

4. Voeg die fyngekapte tamatie by die komkommer en meng.

5. Meng die sout, asyn, suiker, brandrissie en koljanderblare saam en giet dit oor die komkommer-en-tamatie-mengsel. Skep in 'n geskikte slaaibak en bedien.

MY MA HET GESÊ

Bedien met masala-vis, bredie of kerrie

Boontjie-atjar

Gepubliseer op Sondag, 27 Mei 2018 15:44
Trefslae: 28
Druk
E-Pos

RESEP VAN DIE DAG goedgunstig verskaf deur LAPA Uitgewers

Vandag se resep is uit die publikasie “Laat die Potte Sing” is verskaf met

komplimente van LAPA Uitgewers en die skryfster Marlise Scheepers.

Boontjie-atjar

JY HET NODIG

700 g groenboontjies

4 groot tamaties

4 groot uie

2½ k suiker

500 ml asyn

10 ml borrie

10 ml kerrie

2,5 ml rooipeper

sout en varsgemaalde swartpeper na smaak

MAAK DAN SO

Kook die boontjies tot gaar, dreineer en hou eenkant.

Kook die tamaties, uie, suiker, asyn, borrie, kerrie, rooipeper, sout en peper saam tot sag.

Voeg die boontjies by die mengsel en kook vir 15 minute.

Bottel die boontjie-atjar in gesteriliseerde glasbottels.

Afval

Gepubliseer op Woensdag, 16 Mei 2018 21:58
Trefslae: 37
Druk
E-Pos

RESEP VAN DIE DAG goedgunstig verskaf deur LAPA Uitgewers

Vandag se resep is uit die publikasie “Koljander, koljander so deur die Bosch” is verskaf

met komplimente van LAPA Uitgewers en die skryfster Annatjie Melck.

Afval

JY HET NODIG

1 silwerskoon skaapkop, ontbeen

1 silwerskoon skaappens

4 silwerskoon skaappootjies (kliere verwyder)

4 - 6 skywe skaapnek

1 groot ui, in ringe gesny

6 groot aartappels, gehalveer

sout en varsgemaalde swartpeper na smaak

fyn koljander na smaak

'n knippie neutmuskaat

4 heel wonderpeperkorrels

2 E (30 ml) kerriepoeier (opsioneel)

1 E (15 ml) suiker (opsioneel)

4 E (60 ml) asyn (opsioneel)

3 - 4 suurlemoenblare (opsioneel)

MAAK DAN SO

1. Plaas die skaapkop, -pens, -pootjies, -nek en uie in 'n swaarboomkastrol. Geur met sout, peper en speserye. Voeg genoeg water by om die inhoud te bedek en verhit tot kookpunt. Verlaag die hitte en laat die mengsel vir 3 - 4 uur oor lae hitte stowe. Wees versigtig dat die afval nie droogkook nie.

2. Die alternatief is om die afval in 'n oondvaste kastrol te plaas, die kastrol te bedek en oornag in 'n oond wat tot 140ºC voorverhit is te bak - sodoende sal die afval 'n lymerige sous kry.

3. Verwyder die bene sodra die afval gaar is. Voeg die aartappels by en kook vir nog 30 minute tot die aartappels sag is.

4. Indien jy kerrie-afval wil maak, voeg die kerrie-mengsel saam met die aartappels by en laat dit deurkook.

MY MA HET GESÊ

Die geheim is om die sous lymerig te hou sodat die aval op brood of rys geëet kan word.

Knoffelbrood

Gepubliseer op Vrydag, 04 Mei 2018 09:13
Trefslae: 51
Druk
E-Pos

RESEP VAN DIE DAG goedgunstig verskaf deur LAPA Uitgewers

Vandag se resep is uit die publikasie “Marilyn kuier en kook!” is

verskaf met komplimente van LAPA Uitgewersen en die skryfster Marilyn Gantana

Knoffelbrood

Genoeg vir 6 - 8

125 ml sagte botter

2 -3 knoffelhuisies, fyngekap

2,5 ml sout

15 ml fyngekapte vars pietersielie

1 Franse of Italiaanse brood

180 ml gerasperde mozzarellakaas

(of enige ander kaas wat lekker smelt)

Metode:

1. Voorverhit die oond tot 180 ºC

2. Meng die sagte botter, knoffel, sout en pietersielie goed in 'n bakkie tot dit smeerbaar is.

3. Sny die brood diagonaal in 2 cm-snye, maar maak seker dat jy nie regdeur die brood sny nie.

4. Gebruik jou vingers om die snye liggies van mekaar te drek en smeer van dei knoffelbotter tussen die snye en herhaal tot al die knoffelbotter en kaas gebruik is.

5. Draai die brood in foelie toe en bak vir ongeveer 15 minute tot die kaas gesmelt het. Verwyder die foelie en bak die brood vir nog 5 minute om die brood lekker bros te maak. Bedien dadelik.

Gevulde eiers

Gepubliseer op Donderdag, 19 April 2018 09:48
Trefslae: 63
Druk
E-Pos

RESEP VAN DIE DAG goedgunstig verskaf deur LAPA Uitgewers

Vandag se resep is uit die publikasie “Marilyn kuier en kook!” is verskaf

met komplimente van LAPA Uitgewers en die skryfster Marilyn Gantana

Gevulde eiers

Lewer 12

6 hardgekookte eiers, afgedop

Sous

45 ml mayonnaise

15 ml tamatiesous

5 ml Worcestershiresous

2 ml mosterdpoeier

sout en peper na smaak

pietersielie of rooi soetrissie vir garnering

Metode:

1. Halveer die eirs in die lengte. Haal die eiergele uit, plaas in 'n mengbak en druk fyn. Meng die souse, geur met Aromat, peper en mosterd. Voeg dit bietjie vir bietjie by die eiergele en meng deeglik.

2. Skep dit in die eierwitholtes en garneer met gekapte pietersielie of rooi soetrissie.

Wenk :

Om seker te maak die eiergeel bly in die middel, roer die eiers met 'n lepel sodra die water begin kook. Die eiermengsel kan ook vooraf voorberei en in 'n yskas gebêre word tot benodig.

Kerrievleissamoesas

Gepubliseer op Dinsdag, 10 April 2018 17:15
Trefslae: 98
Druk
E-Pos

RESEP VAN DIE DAG goedgunstig verskaf deur LAPA Uitgewers

Vandag se resep is uit die publikasie “Gunsteling Suid-Afrikaanse kos” is verskaf

met komplimente van LAPA Uitgewers en Clover.

Kerrievleissamoesas

4 -6 Porsies

groot klont CLOVER

25 ml (5 t) mielieblom

Mooi River-botter

1 sirkel CLOVER- fetakaas gekrummel

1 ui, fyngekap

250 g beesmaalvleis

250 g (½ rol) fillodeeg

10 ml (2t) matige kerriepoeier

250 g (½ blok) CLOVER Farmstyle -botter, gesmelt

5 ml ( 1 t) borrie

5ml (1 t) sout

750 ml (1 bottel) kanola-olie vir braai

Metode:

1. Smelt die botter en braai die ui tot sag. Voeg die maalvleis by en braai dit tot amper gaar.

2. Voeg die kerriepoeier, borrie, sout en mielieblom by. Braai tot die maalvleis heeltemal gaar is . Laat dit effens afkoel en roer die fetakaas by.

3. Sny die fillodeegvelle in vyf tot ses eweredige repe van ongeveer 5 cm tot 7 cm wyd.

4 . Verf een filloreep met gesmelte botter. Plaas 'n tweede filloreep bo-op en verf dit ook met botter.

5. Skep ongeveer 15 ml (1 e) maalvleismengsel in die onderste regterhoek. Vou dan die onderste regterkantste punt oor die vulsel om 'n driehoek te vorm.

6. Hou aan om die deeg oor te vou tot net die punt van die deeg oorbly. Verf 'n bietjie water aan die punt van die fillodeeg en druk dit vas.

7. Herhaal die proses met die oorblywende bestanddele. Hou die samoesas toe onder 'n klam vadoek om te voorkom dat die fillodeeg uitdroog .

8. Verhit olie en braai die samoesas in sarsies vir 3 tot 5 minute tot goudbruin.

Draai die samoesas gereeld om .

9. Skep dit met 'n gleuflepel uit en plaas dit op kombuispapier om die oortollige

olie te absorbeer.

Sop sonder sukkel

Gepubliseer op Saterdag, 31 Maart 2018 23:10
Trefslae: 95
Druk
E-Pos

RESEP VAN DIE DAG goedgunstig verskaf deur LAPA Uitgewers

Vandag se resep is uit die publikasie “Marilyn kuier en kook!” is verskaf

met komplimente van LAPA Uitgewers en die skryfster Marilyn Gantana

Sop sonder sukkel

Genoeg vir 4

2 wortels, in skywe gesny

150 ml droë ertjies

15 ml kookolie

15 ml botter

1 ui , in blokkies gesny

1 knoffelhuisie, fyngerasper

½ soetrissie, ontpit en in blokkies gesny

1 tamatie, in blokkies gesny

1 x 50 g pakkie groentesoppoeier

125 ml koue water

250 ml biefaftreksel

5 ml gemengde droë kruie

peper na smaak

10 ml gekapte vars pietersielie

Metode:

1. Kook wortels en ertjies in genoeg water tot sag. Hou eenkant.

>2. Verhit die olie en botter in 'n swaarboompan en braai ui, knoffel en soetrissie tot sag.

3. Voeg tamatie by die ui en laat dit vir 5 minute prut.

4 . Maak die soppoeier met die koue water aan en voeg dit saam met dei uiemengsel en biefaftreksel by die wortels en ertjies.

5. Verhit die sop tot deurwarm en geur dit met gemengde kruie en peper. Jy kan nog 'n bietjie sout byvoeg indien nodig, maar proe eers en wees versigtig om die sop nie te sout te maak nie.

Wenk

* Indien jy nie botter het nie kan jy dit met dieselfde hoeveelheid kookolie vervang.

* Die droë ertjies kan met 'n blikkie boontjies in tamatiesous vervang word. Voeg net die boontjies laaste by.

Floria se malvapoeding

Gepubliseer op Woensdag, 30 Mei 2018 06:46
Trefslae: 34
Druk
E-Pos

RESEP VAN DIE DAG goedgunstig verskaf deur LAPA Uitgewers

Vandag se resep is uit die publikasie “Laat die Potte Sing” is verskaf met

komplimente van LAPA Uitgewers en die skryfster Marlise Scheepers.

Floria se malvapoeding

JY HET NODIG

4 k koekmeel

2 k suiker

4 e botter

2 e appelkooskonfyt

2 t koeksoda

4 eiers

2 e bruinasyn

STROOP

2½ k suiker

4 k melk

1 k room

2 t vanieljegeursel

1 k water

MAAK DAN SO

Voorverhit die oond tot op 180ºC en smeer 'n oondpan.

Meng die meel en suiker en hou eenkant.

Meng die botter en appelkooskonfyt en klits tot romerig.

Voeg die eiers by en meng goed.

Voeg die droë bestanddele by die eiermengsel en meng goed.

As die beslag nog baie styf is, kan jy melk byvoeg om dit meer loperig te maak.

Voeg die koeksoda en die asyn saam by die mengsel en roer dit deeglik deur.

Skep die beslag in die voorbereide oondpan en bak vir ongeveer 30 minute tot goudbruin.

Maak die stroop terwyl die poeding bak.

Vir die stroop: Meng al die bestanddele saam en verhit tot kookpunt terwyl jy aanhoudend roer.

Hou die stroop eenkant, maar hou dit warm.

Verwyder die poeding uit die oond sodra dit klaar gebak is en steek 'n paar gaatjies in die die poeding met 'n sosatiestokkie - sodat die stroop lekker kan intrek.

Giet die stroop oor die poeding en laat staan vir 'n paar minute voor jy dit met roomys bedien.

Oupa se beesstert

Gepubliseer op Woensdag, 23 Mei 2018 22:01
Trefslae: 34
Druk
E-Pos

RESEP VAN DIE DAG goedgunstig verskaf deur LAPA Uitgewers

Vandag se resep is uit die publikasie “Laat die Potte Sing” is verskaf

met komplimente van LAPA Uitgewers en die skryfster Marlise Scheepers.

Oupa se beesstert

JY HET NODIG

4 knoffelhuisies, gekneus

2 selderystokkies, fyngekap

2 groot uie, fyngekap

600 g beesstert

1 e tiemie

1 e pietersielie

2 k Old Brown Sherry

1 k beesvleisaftreksel

3 groot aartappels, in blokkies gesny

sout en varsgemaalde swartpeper na smaak

MAAK DAN SO

Soteer die knoffel, seldery, uie en wortel in jou drukkoker. Haal dit uit en hou eenkant. Bedek die beesstertstukke met 'n bietjie meel en verbruin hulle in die pot.

Gooi 'n bietjie OBS in die pot sodra die vleis gekaramelliseer het sodat die stukkies vleis en groente wat op die bodem van die pot gekaramelliseer het kan loskom.

Voeg die seldery, wortels, ui en knoffel weer by. Voeg dan die tiemie en pietersielie by asook die res van die sjerrie en beesvleisaftreksel. Voeg laastens die aartappels by.

Geur met sout en swartpeper.

Seël die drukkoker en stel die stoofplaat op 'n matige tot hoë hitte.

Laat die pot vir 'n uur en 'n half sy ding doen.

As die vleis nog nie sag genoeg is nie, kan jy dit vir nog 'n halfuur kook.

Gepekelde Beestong

Gepubliseer op Woensdag, 16 Mei 2018 21:53
Trefslae: 39
Druk
E-Pos

RESEP VAN DIE DAG goedgunstig verskaf deur LAPA Uitgewers

Vandag se resep is uit die publikasie “Koljander, koljander so deur die Bosch” is

verskaf met komplimente van LAPA Uitgewers en die skryfster Annatjie Melck.

Gepekelde Beestong

JY HET NODIG

1 gepekelde beestong

1 groot ui, gehalveer

1 groot wortel, geskil en in groot stukke gesny

1 raap, geskil en in skywe gesny

1 selderystingel, in stukke gesny

10 heel swartpeperkorrels

6 heel wonderpeperkorrels

1 lourierblaar

MAAK DAN SO

1. Plaas die tong in 'n swaarboomkastrol, bedek met koue water en verhit tot kookpunt. Dreineer die tong en gooi die vloeistof weg. Plaas dit weer in die kastrol en voeg koue water by. Verhit weer tot kookpunt, maar proe aan die water om vas te stel hoe sout dit is, want die watervlak moet nie die tong bedek tensy die tong baie sout is nie.

2. Voeg die res van die bestanddele by en laat die tong vir ± 1½ - 2 uur stadig kook tot sag.

3. Haal die tong uit die kookwater en dompel dit in koue water vir ± 10 minute. Behou die warm water waarin die tong gekook is.

4. Haal die tong uit die koue water en verwyder die vel, beentjies of kliere onder die tong indien nodig.

5. Plaas die skoon tong terug in die kookvloeistof en hou warm.

6. Indien die tong koud bedien word, plaas dit in 'n houer waarin dit net pas en giet die kookvloeistof oor. Laat dit koud word en stol.

7. Indien dit warm bedien word, verhit die tong en kookvloeistof en voeg 200g piekeluie by. Laat dit vir ongeveer 10 minute kook tot die uitjies gaar is.

8. Sny die tong in skyfies en pak dit in 'n oondvaste bak.

9. Voorverhit die oond tot 150ºC.

MY MA HET GESÊ

Maak seker dat die tong nie te sout is nie, so proe aan die kookvloeistof. Moet nie 'n pot sop kook nie; hou die hoeveelheid vloeistof dop

Romerige hoenderpastasop

Gepubliseer op Donderdag, 26 April 2018 17:17
Trefslae: 62
Druk
E-Pos

RESEP VAN DIE DAG goedgunstig verskaf deur LAPA Uitgewers

Vandag se resep is uit die publikasie “Gunsteling Suid-Afrikaanse kos” is

verskaf met komplimente van LAPA Uitgewers en Clover.

Romerige hoenderpastasop

6 PORSIES

Clover Mooi River-botter

2 uie, gekap

3 selderystingels, fyngekap

2,5 ml (½ t) gedroogde tiemie

3 wortels, geskil en in blokkies gesny

1,5 liter (6 k) hoenderaftreksel

2 lourierblare

4 takkies vars pietersielie

sout en peper na smaak

1 heel hoender van 2,5 kg

ongeveer 500 ml (2 k) water

250 ml (1 k) rou pasta van jou keuse

5ml (1 t) mielieblom

250 ml (1 k) Clover-vars room

Metode:

1. Smelt genoeg botter in 'n kastrol en braai die uie, seldery en tiemie saam tot die uier sag is.

2. Voeg die wortels, hoenderaftreksel, lourierblare, pietersielie, sout en peper by.

3. Plaas die hoender ook in die kastrol. Voeg die water by en sorg dat die hoender net-net bedek is. Plaas die kastrol se deksel op en laat kook die sop vir 2 ure.

4. Haal die lourierblare, pietersielie en die hoender versigtig uit. Gooi die lourierblare en pietersielie weg.

5. Breek die hoender in stukke en vlok die hoendervleis. Gooi al die oortollige goed soos die bene en velle weg.

6. Skep die hoendervleis terug in die warm aftreksel en roer die pasta by.

7. Laat kook die nou sonder die deksel vir 30 min of tot die pasta amper sag is.

8. Meng die mielieblom met 'n klein bietjie water tot 'n gladde pasta. Roer dit by die warm sop en laat dit minute lank kook sodat die sop kan verdik.

9. Giet die room by die sop. Laat dit deurwarm word en sit die sop warm voor soos verkies.

Amasie-Vetkoek

Gepubliseer op Donderdag, 19 April 2018 09:32
Trefslae: 57
Druk
E-Pos

RESEP VAN DIE DAG goedgunstig verskaf deur LAPA Uitgewers

Vandag se resep is uit die publikasie “Gunsteling Suid-Afrikaanse kos” is verskaf

met komplimente van LAPA Uitgewers en Clover.

Amasie-Vetkoek

6 tot 8 PORSIES

500 g (4 k) koekmeel

500 ml (2 k) CLOVER melk

5 ml (1 t) koeksoda

5 ml (1 t) kremetart

5 ml (1 t) sout

15 ml (1 e) strooisuiker

45 ml (3 e) sagte CLOVER Mooi River-botter

750 ml (1 bottel) olie vir diepvetbraai

ekstra CLOVER Mooi River-botter

500 ml (2 k) gerasperde CLOVER cheddarkaas

goue stroop

Metode :

1. Sif die meel in 'n groot mengbak.

2. Meng die Amasi, koeksoda, kremetart, sout en strooisuiker en voeg dit by die meel. Roer tot goed gemeng.

3. Meng die sagte botter met die hande in. Voeg 'n klein bietjie koekmeel by indien die deeg aan jou hande vassit. Knie dit vir 3 minute tot 'n hanteerbare deeg vorm.

4. Bedek die mengbak met kleefplastiek en laat dit 'n uur lank op 'n warm plek staan om te rys tot dubbel die volume.

5. Verhit die olie tot warm. Breek die deeg in stukkies en braai dit in die warm olie tot goudbruin en gaar.

6. Plaas dit vetkoek op kombuispapier om die oortollige olie te absorbeer.

7. Sit dit warm voor saam met botter, cheddarkaas en gouestroop.

Pampoenbroodjie

Gepubliseer op Dinsdag, 03 April 2018 21:17
Trefslae: 86
Druk
E-Pos

RESEP VAN DIE DAG goedgunstig verskaf deur LAPA Uitgewers

Vandag se resep is uit die publikasie “50 Sop- en Broodgeregte” is verskaf

met komplimente van LAPA Uitgewers en is 'n samestelling van resepte deur LAPA uitgewers.

Pampoenbroodjie

1 Middelslag-broodjie

300 ml suiker

125 ml (½ k) kanola-olie

2 eiers, geklits

500 ml (2 k) fyngedrukte gaar pampoen

250 ml (1 k) koekmeel

250 ml (1 k) volgraanmeel

2,5 ml (½ t) bakpoeier

2,5 ml (½ t) fyn kaneel

2,5 ml (½ t) fyn neutmuskaat

2,5 ml (½ t) sout

5 ml (1 t) koeksoda

30 ml ( E) melk

Metode:

1. Verhit die oond tot 180ºC en smeer 'n broodpan

2. Klits die suiker, olie en eiers saam in 'n mengbak en meng dit deur die fyn pampoen.

3. Meng die twee soorte meel, bakpoeier, kaneel, neut en sout saam. Roer die mengsel deur die pampoenmengsel.

4. Meng die koeksoda met die melk en roer dit ook deur die pampoenmengsel.

5. Skep die deeg in die voorbereide broodpan en bak vir ongeveer 1 uur of tot 'n toetspen skoon uitkom.

6. Bedek die broodjie met foelie vir die laaste 20 minute van die bak tyd indien die bokant te donker bak.

Bladsy 1 van 5

Begin
Vorige
1
2
3
4
5
Volgende
Einde