Konfyttert (Ouma Frikkie)
- Gepubliseer op Donderdag, 02 November 2017 11:52
- Trefslae: 4062
RESEP VAN DIE DAG goedgunstig verskaf deur LAPA Uitgewers
Vandag se resep is uit die publikasie “Koljander, koljander so deur die Bosch”
is verskaf met komplimente van LAPA Uitgewers en die skryfster Annatjie Melck
Konfyttert (Ouma Frikkie)
1 x 400 g skilferkorsdeeg
1 – 2 eierwitte
¾ k (180 ml) appelkooskonfyt
Metode :
Voorverhit die oond tot 200֯ C.
Rol die skilferkors op ‘n meelbestrooide oppervlak uit.
Voer ‘n tertbord met die deeg en smeer ‘n dun laag appelkooskonfyt bo-oor.
Sny repe deeg en rangskik dit oor die konfyt sodat dit ‘n traliewerk vorm. Verf die rande van die deeg met die eierwitte en plaas nog ‘n deegstrook rondom sodat die punte van die traliewerk bedek is.
Bak vir 20 – 30 minute tot goudbruin.
My ma het gesê : Vir die beste resultaat moet jy die klaargemaakte tert in die yskas plaas vir ± 15 minute voor dit gebak word – die deeg moet yskoud in die oond gaan.