RESEP VAN DIE DAG goedgunstig verskaf deur LAPA Uitgewers

Vandag se resep is uit die publikasie “Koljander, koljander so deur die Bosch” is verskaf

met komplimente van LAPA Uitgewers en die skryfster Annatjie Melck.

Sagopoeding

6 – 8 porsies

Jy het nodig:

200 ml sago

1 ½ k (375 ml) melk

1 k (250 ml) room

½ k (125 ml) bruinsuiker

2 E (30 ml) botter

½ t (2,5 ml) fyn kaneel

‘n knippie sout

2 eiers, liggies geklits

1 x 385 g-blikkie kondensmelk

Appelkooskonfyt

Maak dan so:

Week die sago oornag in die melk.

Voorverhit die oond tot 200ºC en smeer ‘n oondvaste bak met botter.

Meng die sago, melk, room, suiker, botter, kaneel en sout saam in ‘n kastrol en verhit dit stadig tot kookpunt.  Roer gereeld om te voorkom dat dit aanbrand.

Laat dit oor lae hitte liggies prut tot die mengsel verdik.  Roer gereeld.  Verwyder van die hitte en laat dit effens afkoel. 

Klits die eiers goed en vou dit saam met die kondensmelk met ‘n houtlepel by die poeding in.

Skep in die voorbereide bak en bak dit vir 20 – 30 minute tot goudbruin.

Strooi kaneel oor en smeer ‘n dun lagie appelkooskonfyt oor.  Bedien warm met vla.

My ma het gesê :

Die geheim van die resep is die eiers wat heeltemal skuimerig geklits word, want die gebakte poeding is dan amper so lig soos ‘n soufflé.

RESEP VAN DIE DAG goedgunstig verskaf deur LAPA Uitgewers

Vandag se resep is uit die publikasie “Koljander, koljander so deur die Bosch” is verskaf met

komplimente van LAPA Uitgewers en die skryfster Annatjie Melck.

Broodpoeding

Jy het nodig:

4 eiers

2 E (30 ml) suiker

3 ½ k (875 ml) melk

6 snye witbrood, dun gesmeer met botter

¼ k (60 ml) room

1 t (5ml) vanieljegeursel

2 t (10ml) brandewyn

‘n knippie sout

‘n knippie fyn neutmuskaat

½ k (125ml) sultanas

Maak dan so:

1. Voorverhit die oond tot 180ºC en smeer ‘n oondvaste bak.

2. Klits die eiers, suiker en melk goed saam in 'n mengbak.

3. Voeg die room, vanieljegeursel, brandewyn, sout en neut by en klits deur.

4. Pak die gesmeerde snye brood in lae in die voorbereide bak en strooi die sultanas tussen die lae brood.

5. Giet die eiermengsel oor die brood en sultanas. Laat dit vir  minute week.

6. Plaas die oondvaste bak in 'n waterbad en bak die poeding vir 40-60 minute tot die poeding gestol het.

My ma het gesê :

'n Goeie manier om ou brood te verwerk en die korsies kan afgesny word indien verkies.

RESEP VAN DIE DAG goedgunstig verskaf deur LAPA Uitgewers

Vandag se resep is uit die publikasie “50 Sop- en Broodgeregte” is verskaf met komplimente van

LAPA Uitgewers en is 'n samestelling van resepte deur LAPA uitgewers.

Knoffel-en-tamatie-focaccia

1 Groot of 2 Middelslag-brode

25 g droë gis

330 ml (1 1/3 k) louwarm water

45 ml (3 E) olyfolie

420 g witbroodmeel

250 g (475 ml) polenta

30 ml (2 E) sout

30 ml (2 E) polenta, ekstra

1 x 250 g-bakkie kersietamaties

3 knoffelhuisies, fyngekap

1 wiel fetakaas, gekrummel

Metode :

Meng die gis, louwarm water en olie saam in ‘n mengbak en laat dit vir 10 – 15 minute rus tot dit skuimerig is.

Meng die meel, polenta en sout saam in ‘n aparte mengbak en maak ‘n holte in die middel. Giet die gismengsel in en meng tot dit ‘n deeg vorm.

Knie die deeg op ‘n meelbestrooide oppervlak vir 10 – 15 minute tot glad en elasties.

Smeer ‘n mengbak met olyfolie, plaas die deeg in en bedek die bak met kleefplastiek.  Laat die deeg vir ten minste 1 uur op ‘n warm plek rys tot dubbel die volume.

Voorverhit die oond tot 180ºC en spuit ‘n bakplaat.

Knie die deeg af en rol dit uit in ‘n reghoek wat in die bakplaat pas.  Plaas die deeg in die bakplaat en laat dit vir nog 15 minute rys.

Gebruik jou kneukels om duike in die deeg te druk en sprinkel ‘n bietjie olyfolie oor.  Strooi die tamaties, knoffel en fetakaas oor.

Bak vir 15 – 25 minute tot deurgaar.  Laat die brood effens afkoel en bedien.

RESEP VAN DIE DAG goedgunstig verskaf deur LAPA Uitgewers

Vandag se resep is uit die publikasie “50 Boerekosgeregte” is verskaf met komplimente van

LAPA Uitgewers en is 'n samestelling van resepte uit die kombuise van die Vrouelandbouvereniging van die Noord-Kaap.

Tamatiebredie

125 g dik repe spek, in blokkies gesny

1 kg lamskenkels of –nek, in porsies gesny

1 hoenderaftrekselblokkie

125 ml kookwater

45 ml sultanas (opsioneel)

1,25 ml brandrissievlokkies

4 selderystingels, gekap

3 middelslag-wortels, geskil en gekap

1 rooi soetrissie, ontpit en in blokkies gesny

2 middelslag-uie, gekap

1 klein knoffelhuisie, fyngekap

400 g ryp tamaties, geskil en in blokkies gesny

250 ml tamatiepuree

60 ml soeterige witwyn

45 ml suiker

1,5 cm vars gemmer, geskil en fyngerasper

2,5 ml fyn vinkel of komyn

5 ml matige kerriepoeier

1 lourierblaar

Sout en varsgemaalde swartpeper na smaak

15 ml vars tiemieblare

60 ml blatjang

15 ml fyngekapte vars koljanderblare

Metode:

Verhit ‘n groot swaarboomkastrol en braai die spekblokkies liggies tot dit goudbruin en al die vet uitgebraai is.  Skep die spekblokkies met ‘n gleuflepel uit en hou die vet eenkant.

Verhit ‘n bietjie van die vet oor matige hitte en braai die lamsvleis in sarsies bruin.  Voeg nog van die vet by indien nodig en wees versigtig dat dit nie aanbrand nie.  Skep die bruingebraaide vleis met ‘n gleuflepel uit die kastrol en hou eenkant.

Los die aftrekselblokkie in die kookwater op en voeg die sultanas by.

Braai die brandrissievlokkies vinnig in die kastrol en voeg dan die seldery, wortels, soetrissie, uie en knoffel by.  Soteer die groente oor lae hitte tot die uie deurskynend is.

Voorverhit die oond tot 160ºC.

Voeg die tamaties, tamatiepuree, wyn en suiker, gemmer, vinkel of komyn, Kerrie, lourierblaar, sout, peper en tiemie by.  Roer dit liggies deur.

Voeg die sultanas en aftreksel by en laat die sous 10 minute lank baie liggies prut.

Skep die vleis in die sous en meng deur.

Bedek die kastrol, plaas in die oond en stowe die bredie 1½ uur lank.  Haal die kastrol uit die oond en roer die blatjang deur.  Voeg nog sout en peper by indien nodig.

Bedek die kastrol weer en stowe die bredie vir nog ‘n halfuur of tot die vleis sag is.  Haal die deksel af en stowe dit nog ‘n halfuur.

Strooi die gekapte koljanderblare oor die bredie en sit dit saam met rys voor.

RESEP VAN DIE DAG goedgunstig verskaf deur LAPA Uitgewers

Vandag se resep is uit die publikasie “50 Boerekosgeregte” is verskaf met komplimente van LAPA Uitgewers

en is 'n samestelling van resepte uit die kombuise van die Vrouelandbouvereniging van die Noord-Kaap.

Ryk Sjokoladeblokkies

300 g malvalekkers

125 g margarine of botter

25 ml water

200 g (1 plak) donker sjokolade, in blokkies gebreek

200 g (1 pak) Romany Creams, gekap

100 g glanskersies, gesny

100 g neute, gekap

200 g (1 plak) donker sjokolade, in blokkies gebreek

15 ml kookolie

Metode:

Verhit die malvalekkers, margarine of botter en water stadig saam tot die malvalekkers gesmelt het.

Roer 200 g sjokoladeblokkies by die malvalekkers.  Roer die koekies, kersies en neute by.

Druk die mengsel vas in ‘n bak van 25 cm x 30 cm wat met bakpapier uitgevoer is.  Smelt die tweede hoeveelheid van die sjokoladeblokkies

in ‘n mikrogolf of dubbelkastrol oor kookwater. 

Roer die olie by en gooi dit oor die koekielaag.  Laat dit oornag stol en sny dit in klein blokkies.

RESEP VAN DIE DAG goedgunstig verskaf deur LAPA Uitgewers

 Vandag se resep is uit die publikasie “Marilyn kuier en kook!” is verskaf met komplimente van

 LAPA Uitgewers en die skryfster Marilyn Gantana.

Gesonde rysslaai

Genoeg vir 6 – 8

375 ml langkorrelrys

200 g-pakkie spekvleis, in blokkies gesny

60 ml suurlemoensap

80 ml olyfolie

5 ml fyngekapte vars knoffel

5 ml fyngekapte vars pietersielie

1 ml varsgemaalde swartpeper

1 ml sout

Knippie brandrissievlokkies

500 ml fyngekapte spinasieblare

1 rooi soetrissie, ontpit en in blokkies gesny

½ Engelse komkommer, in blokkies gesny

3 sprietuie, gekap

125 ml ontpitte swart olywe, gekap

250 ml gekrummelde fetakaas

Metode :

Kook die rys in soutwater tot gaar.  Dreineer en hou eenkant.

Braai die spekvleis in ‘n pan tot gaar en bros.  Skep dit uit op kombuispapier sodat die oortollige olie kan dreineer.

Klits die suurlemoensap, olie, knoffel, pietersielie, peper, sout en brandrissievlokkies in ‘n groot mengbak.

Voeg die gaar rys by die sous en meng dit liggies deur.  Voeg die spinasie by en meng deur.

Voeg die res van die bestanddele by die slaai en meng deur.  Laat die slaai vir ongeveer 10 minute staan, meng dit weer deur en bedien.

RESEP VAN DIE DAG goedgunstig verskaf deur LAPA Uitgewers

Vandag se resep is uit die publikasie “Marilyn kuier en kook!” is verskaf met komplimente van

LAPA Uitgewers en die skryfster Marilyn Gantana

Drieboneslaai

Genoeg vir 4

1 x 410 g-blikkie groenbone

1 x 410 g-blikkie rooi nierbone

1 x 400 g-blikkie kekerertjies

1 rooi ui, in fyn skyfies gesny

1 groen soetrissie, in klein blokkies gesny

Sap en fyngerasperde skil van

1 suurlemoen

5 ml bruinsuiker

5 ml fyngekapte vars knoffel

5 ml fyngerasperde vars gemmer

5 ml gerookte paprika

125 ml wynasyn

125 ml olyfolie

Sout en varsgemaalde swartpeper

15 ml fyngekapte vars pietersielie

Metode:

Dreineer die bone en kekerertjies en spoel dit goed af.  Hou eenkant.

Meng die ui, soetrissie, suurlemoensap, -skil, suiker, knoffel, gemmer en paprika saam in ‘n mengbak.  Voeg die boontjies en ertjies by en roer liggies deur.

Meng die asyn en olyfolie en giet dit oor die slaai.  Roer die slaai liggies deur.

Geur na smaak met sout en peper.  Strooi die pietersielie oor en bedien.

·        

Wenk : Maak die slaai ‘n dag of twee voor die tyd en hou dit in die yskas.  Die geure meng en die slaai word net lekkerder!