• 89.3 en 99.3fm
    Jou stasie van keuse
  • Jou nommer een stasie
    Luistergenot vir oud en jonk
  • Van Toeka tot Nou
    Die stasie net vir Jou
  • Die beste van die 80's, 90's en nou
    Jou stasie van Keuse
  • Die beste toeka treffers
    Vir oud en Jonk
  • By die see of op Reis
    By CFM is jy tuis

 TEL: 021 200 2637

 info@caledonfm.co.za

Woensdag, 13 Desember 2017

Nou op die Lug

Radio
Program:Musiek
Broadcaster:Radio
13:15 - 14:00

Stephanie Visser

Stephanie Visser

Ek is gebore in Oudtshoorn.  My pa was in die SAPD en moes ons heelwat verhuis. Gedurende  my Laerskool dae was my pa gestasioneer in Kraaifontein en het ons Kraaifontein in sy fontein dae binnegeval.

Nadat my pa na gebiede in Kaapstad verplaas is het ons onder andere gewoon in,   Lansdown,   Wynberg en Parow waar ek skoolgegaan het by Hoërskool JJ du Preez.  Dit was lekker ou dae.   Voor my pa afgetree het,  het ons terug verhuis na Kraaifontein.   Ek het by my ouers gewoon totdat ek in 1974 getroud is met SW. 

A.g.v. die tipe werk wat SW gedoen het,  moes hy van tyd tot tyd homself “bevorder” deur gereeld aansoek te doen vir poste en so het ons  die Wes-Kaap deurkruis.  In 1989 verhuis ons na Caledon.   Ons is geseën met drie pragtige kinders.  Twee seuns en ‘n dogter.  My oudste, Schalk, 36jr  en jongste, Elreen, is in Pretoria en Randburg, en die middel seun, Tom, en sy vrou is woonagtig in Durbanville.  Ek kan met trots sê ek het twee kleinkinders.  ‘n Seuntjie, SW, en kleindogter, Amorey.

Ek het 6jr by Sanlam gewerk, daarna was ek huisvrou. Ek’t weer in die arbeidsmark begin en  was vir 10 jaar ‘n mediese ontvangsdame by ‘n praktyk in Moorreesburg.  Toe ons in September 1989 na Caledon verhuis, was ek drie maande ‘werkloos’ en Januarie 1990 het ek begin werk by Laerskool Overberg in Caledon as Skoolsekretaresse.  By die skool was ek ‘n tannie, ‘n mamma en ‘n verpleegster. Weens mediese redes het ek 2012 afgetree en hou ek myself besig met gemeenskapswerk. Ek is lief vir kos maak,  mense onthaal  en hou daarvan om funksies te reël.

Wat gebeur waar

Ma Di Wo Do Vr Sa So
1
Datum : 2017-12-01
2
Datum : 2017-12-02

CFM FACEBOOK

Nuutste Resepte

Tamatiebredie

 

 

RESEP VAN DIE DAG goedgunstig verskaf deur LAPA Uitgewers

Vandag se resep is uit die publikasie “50 Boerekosgeregte” is verskaf met komplimente van

LAPA Uitgewers en is 'n samestelling van resepte uit die kombuise van die Vrouelandbouvereniging van die Noord-Kaap.

 

Tamatiebredie

125 g dik repe spek, in blokkies gesny

1 kg lamskenkels of –nek, in porsies gesny

1 hoenderaftrekselblokkie

125 ml kookwater

45 ml sultanas (opsioneel)

1,25 ml brandrissievlokkies

4 selderystingels, gekap

3 middelslag-wortels, geskil en gekap

1 rooi soetrissie, ontpit en in blokkies gesny

2 middelslag-uie, gekap

1 klein knoffelhuisie, fyngekap

400 g ryp tamaties, geskil en in blokkies gesny

250 ml tamatiepuree

60 ml soeterige witwyn

45 ml suiker

1,5 cm vars gemmer, geskil en fyngerasper

2,5 ml fyn vinkel of komyn

5 ml matige kerriepoeier

1 lourierblaar

Sout en varsgemaalde swartpeper na smaak

15 ml vars tiemieblare

60 ml blatjang

15 ml fyngekapte vars koljanderblare

 

Metode:

 

Verhit ‘n groot swaarboomkastrol en braai die spekblokkies liggies tot dit goudbruin en al die vet uitgebraai is.  Skep die spekblokkies met ‘n gleuflepel uit en hou die vet eenkant.

Verhit ‘n bietjie van die vet oor matige hitte en braai die lamsvleis in sarsies bruin.  Voeg nog van die vet by indien nodig en wees versigtig dat dit nie aanbrand nie.  Skep die bruingebraaide vleis met ‘n gleuflepel uit die kastrol en hou eenkant.

Los die aftrekselblokkie in die kookwater op en voeg die sultanas by.

Braai die brandrissievlokkies vinnig in die kastrol en voeg dan die seldery, wortels, soetrissie, uie en knoffel by.  Soteer die groente oor lae hitte tot die uie deurskynend is.

Voorverhit die oond tot 160ºC.

Voeg die tamaties, tamatiepuree, wyn en suiker, gemmer, vinkel of komyn, Kerrie, lourierblaar, sout, peper en tiemie by.  Roer dit liggies deur.

Voeg die sultanas en aftreksel by en laat die sous 10 minute lank baie liggies prut.

Skep die vleis in die sous en meng deur.

Bedek die kastrol, plaas in die oond en stowe die bredie 1½ uur lank.  Haal die kastrol uit die oond en roer die blatjang deur.  Voeg nog sout en peper by indien nodig.

Bedek die kastrol weer en stowe die bredie vir nog ‘n halfuur of tot die vleis sag is.  Haal die deksel af en stowe dit nog ‘n halfuur.

Strooi die gekapte koljanderblare oor die bredie en sit dit saam met rys voor.